Euro Zona, shkalla e papunësisë ka shënuar rënie

Shkalla e papunësisë ka shënuar rënie në nivelin më të ulët që nga gushti i vitit 2008 në 19 shtetet që përdorin euron, pasi kërkesa e brendshme po vazhdon të rritet, pavarësisht nga ngadalësimi i tregtisë globale.

 

Agjencia e statistikave të Bashkimit Evropian tha të martën se papunësia ka rënë në 7.6% në prill nga 7.7% në mars, ndërsa u shënuan 64000 njerëz më pak si të papunë. Shifrat zyrtare gjithashtu treguan se inflacioni  në Eurozonë u zvogëlua në 1.2% në maj nga 1.7% në prill.

 

Sa i përket të dhënave të inflacionit, bëhet e ditur se Banka Qendrore Evropiane ballafaqohet me sinjale të përziera. Inflacioni mbetet kokëfortësisht i ulët, pavarësisht nga një program stimulues prej 2.6 trilion euro që përfundoi vitin e kaluar.