“Bombat” e “El Chekas”, Janeva: Një pjesë i kemi edhe ne, hetojmë nga dolën

Prokuroria Speciale  posedon një pjesë të audiopërgjmeve që javën e fundit po bëhen publike nga profili I El Chekas në FB dhe nga profile të tjera që ky i fundit i përdor sapo organet i bllokojnë llogarinë paraprake.

Kryeprokurorja Katica Janeva  theksoi se ekspertët brenda ekipit  të saj po hetojnë nëse këto material kanë dalë nga PSP, ose janë marrë nga ndonjë tjetër burim.

Përmbajtja e tyre sipas Janevës,  po hetohet me qëllim konstatimin e veprave të mundshme penale.

“Ka një pjesë e tyre që janë pjesë e jona, pra ato që janë detektuar, ndërsa një pjesë jo sepse akoma po punojmë. Nëse kanë dalë  ose jo nga ne , kjo  duhet të verifikohet sepse në këtë moment nuk mund të garantojmë asgjë. Gjatë periudhës së ardhshme do të analizohen dhe do t’ju përgjigjemi në kohë – deklaroi Janeva.