Meta firmos anulimin e zgjedhjeve: S’krijohet vakum në qeverisjen vendore

Presidenti  Meta firmosi vendimin për anullimin e dekretimittë zgjedhjeve lokale të 30 qershorit, me argumentin se shtyrja e zgjedhjeve nuk krijon vakum në qeverisjen vendore, ndërsa shtoi se ky vendim është mjeti emergjent për zgjidhjen e krizës politike. Kreu i shtetit shqiptar deklaroi, se zgjedhjet vetëm me mazhorancën cenojnë pluralizmin politik, ndërsa  tha se zhvillimi i zgjedhjeve në kaos mund të çojë në konflikt civil. Ai ka kërkuar që të vendoset dialogu politik dhe palët të gjejnë dakordësi, ndërkohë që iu ka bërë thirrje edhe ndërkombëtarëve për zgjidhjen e kësaj krize politike. 

 

Nga ana tjetër kryesia e partisë Socialiste,  ka marrë vendim për të vendosur  nisjen e procedurave për shkarkimin e Presidentit Meta, duke filluar nga seanca e së enjtes. Sipas  socialistëve  presidenti Meta e ka humbur të drejtën për të qëndruar në atë zyrë. Do fillojmë procedurën e shkarkimit të Ilir Metës nga Presidenca të enjten. Është detyra jonë për të mbrojtur Kushtetutën”, thonë nga PS.