Reformat në gjyqësi, Mehmeti: Jo vetëm ndryshim ligjesh, duhen analiza serioze

Avokati i popullit Ixhet Mehmeti është pjesërisht i kënaqur me ecurinë e përparimit të sistemit gjyqësor. Por reformimi i sistemit sipas tij duhet të jetë I vazhdueshëm  dhe t’i përfshijë të gjitha sferat e gjyqësorit që nga burxheti, e deri tek propozuesit e ligjeve. Ai thotë mënyra e propozimit të ligjeve se  është e tmershme, por edhe më e dhimbshme është fakti se sa është numri i deputetëve të cilët propozojnë ligj, e për rëndësinë thelbësore të ligjeve.  

 

“Nuk mundesh ta ndryshosh sistemin gjyqësorin vetëm më ndryshim e ligjeve, fakt është se prej këtu fillon, por që të kesh ndryshime serioze, duhet të bëhen edhe analiza serioze... Tani po flasim për sistemin e burgjeve apo vendeve ku mbahen personat e privuar nga liria, por ne kemi hapur tema të tjera poashtu shumë të rëndësishme siq është gjyqësori I cili duhet të jetë shtylla kryesore, apo garancia kryesore për funksionimin e sistemit. Mendoj se pak jemi duke bërë përpjekje për t’i ndryshuar rrënjësisht këto sisteme”, tha Ixhet Mehmeti, avokat i popullit.

 

 

Mehmeti thekësoi se mënyra e sjelljes së ligjeve me procedurë të përshpejtuar është e gabuar, në disa vende nuk ekziston më një procedurë e tillë.  Sipas Avokatit të Popullit,  edhe ato ligje të cilat sillen, nuk respektohen.  

 

"Kemi ligj për finansimin e pushtetit gjyqësor ku duhet të ndahen 0,8 nga BPV, ndërsa ju e shihni se sa mjete ndahen as 0,3 për qind nuk ndahet për atë, që tregon se ligjet nuk respektohen”, tha Mehmeti  

 

 

Por kryeministri Zaev thotë  se Maqedonia ka përmbushur katër kriteret kryesore, ku përfshihet edhe gjyqësori.

 

“Të potencoj se Republika e Maqedonisë së Veriut ka mbaruar reformat në katër shtyllat kryesore: Sundimi i së drejtës, Shërbimet e Sigurisë, Administrata Publike dhe Antikorupsioni”, tha Zoran Zaev, kryeministër.

 

Këto deklarime Mehmeti i bëri në Samitin e parë vjetor të rrjetit preventiv të mekanizmave nga tortura të vendeve të Europës Jug-lindore të themeluar në vitin 2013, që po mbahet në Shkup . RMV është kryesuese e këtij rrjeti për këtë vit ku marrin pjesë  6 vende.