Tregu i Bit Pazarit, tregëtarët: Punimet dhe i nxehti, ne në humbje

Përderisa temperaturat e larta shënojnë kulmin e tyre në këtë fillim vere, tregu i Bit Pazarit vazhdon aktivitetin e perditshme, i ngulfatur për shkak të punimeve për tregun e ri që asesi të përfundojnë. Tregëtarët e anketuar nga TVM2, ankohen se mungesa e kushteve elementare në temperatura të nxehta po iu shkakton humbje.

 

 

“Bit Pazari ujë nuk ka,  populli mundohet, nuk ka kush të blej e ne gjithë ditën po qëndrojm kështu, e shtyjmë kështu. Se kur do të bëhet tregu i ri nuk e dijmë, shpresojmë të bëhet më mirë”, thanë tregtarët.

 

 

Mungesa e një tregu të mirëfilltë, shqetëson edhe qytetarët të cilët në këto temperatura të larta nuk mund të blejnë produkte cilësore. 

 

 

 

“Është shumë e vështirë të bëhet tregëti këtu. Këtu nuk ka kushte, janë ngushtuar shumë, nuk është sikur që ishte më herët ku kishte më shumë hapsirë e më shumë mallra. Presim që tregu i ri të jetë më i rregulluar me më shumë kushte”, thanë qytetarët.

 

TVM2 kontaktoi me shoqatën aksionare “Skopski Pazar” të cilët janë ndërtuesit e tregut të ri, për të pyetur në lidhje me procesin e punimeve por këto të fundit për shkak të festës na thanë se do në përgjigjen të hënën.

 

Projekti i ndërtimit të Bit Pazarit parashikon mbulim të plotë të tregut, vendosjen e 1000 tendave të reja, restaurim të plotë të infrastrukturës ujësjellësit dhe kanalizimit, sigurim të një sipërfaqeje parkimi me një kapacitet prej 230 automjeteve dhe ndërtimin e ambienteve të reja të biznesit me një sipërfaqe prej 600 metrash katror.