Rezuluta për shkarkim, Meta: Dekreti në fuqi, mua më votoi parlament legjitim

I pyetur per rezoluten e parlamentit per shkarkimin e tij, Meta tha se ai eshte votuar nga nje parlament legjitim, ndryshe nga ky i sotmi.

 

“Dekreti është në fuqi. Dekreti është i detyrueshëm për zbatim nga të gjithë. Kush dëshiron të ecë në rrugën e paligjshmërisë, le të vazhdojë! Është e drejta e tij. Presidenti ka të drejtë që të bëjë thirrje çdo ditë për reflektim. Ata që ecin në rrugën e paligjshmërisë duhet të jenë të sigurtë që do të kenë të gjitha pasojat që do të provokojnë paqen sociale dhe stabilitetin demokratik në vend”, u shpreh presidenti i Shqipërisë, Ilir Meta.

 

Ndërkohë kryetari i Partisë Demokratike Lulzim Basha ka mbledhur sot aleatët opozitare për të vendosur lidhur me vijimësinë e aksionit opozitar. Kryetari i Partisë Republikane Fatmir Mediu tha se protestat do të vijojnë deri në rrëzimin e Edi Ramës.

 

“Nëse Edi Rama kur erdhi në pushtet e gjeti Shqipërinë në NATO, ai ka sjell vetëm rrënim, e prandaj duhet të ikë që mos pengojë integrimin e vendit. Ne kemi thënë që  duhet të ikë Rama, duhet qeveri tranzitore”, theksoi kryetari i Partisë Republikane, Fatmir Mediu.

 

Ndërkohë, Presidenti i republikes i ka kërkuar Komisionit Qendror te Zgjedhjeve informacion zyrtar lidhur me numrin e deputeteve dhe listen e tyre emerore.

 

Zëra brenda opozitës kanë kërkuar shpërndarjen e parlamentit, qe ka me pak se 140 deputetë.