Bruksel, diskutohet për emrat që do të drejtojnë BE-në

Liderët evropianë në Bruksel vendosin se kush do të jetë në krye të pozitave kryesore në Bashkimin Evropian dhe çfarë do të jetë prioritet në pesë vjetët e ardhshëm.

Presidenti i Këshillit Evropian, Donald Tusk, që drejton bisedimet, ka kërkuar që kandidatët të emërohen në këtë samit. Të nominuarit duhet të kenë mbështetjen e të paktën 21 nga 28 liderët evropianë, si dhe të kenë shumicën e votave në parlament.

Emrat e përmendur më pas duhet të marrin miratimin edhe nga Parlamenti Evropian.

Liderët e rinj, përveç zëvëndësimit të zyrtarëve Tusk dhe Juncker, do të duhet të vendosin edhe për presidentin e ri të Bankës Qendrore Evropiane, përfaqësuesin e Lartë për Politikë të Jashtme dhe presidentin e Parlamentit Evropian.

Largimi i Britanisë së Madhe nga BE-ja, kësaj here nuk do të jetë çështje kyçe e diskutimit.