Kaosi në trafik, Shilegov: Urë e re në vardar, tunel në kala

Kështu duket rruga Krste Misirskov, ose e njohur më ndryshe rruga e Jahja Pashës. Për shumë vite këtu ëhstë kaos dhe nuk ka asnjë lëvizje konkrete aktualisht se si i njejti të reduktohet. Kaos edhe në rrugët e tjera që lidhin Cairin me qendrën. Por për këtë të fundit ka një project. Qyteti i Shkupit mendon të lehtësojë trafikun mes Qendrës dhe Cairit, përmes një ure të re mbi Vardar dhe një tuneli në Kalan e Shkupit, si një alternativë për komunikacion më të shpejtë dhe lidhje mes bulevardit "Shën Klementi i Ohrit" me bulevardet "Nikola Karev" dhe "Brigada maqedone kosovare”.

 

"Me këto zgjidhje për trafikun, ne e rrisim lëvizshmërinë dhe reduktojmë bllokimet e trafikut, duke shkurtuar kohën e lëvizjes së automjeteve dhe duke zvogëluar kohën qëndrimit në një vend, e cila ndikon drejtpërdrejt në reduktimin e ndotjes së ajrit dhe rritjen e sigurisë në komunikacion. Shkupi meriton zgjidhje të tilla moderne të trafikut, dhe kjo administratë e qytetit mund dhe duhet t'ua sigurojë këtë qytetarëve", tha Petre Shilegov, kryetar i Qytetit të Shkupit.

 

 

Qytetarët e Çairit e mirëpresin projektin por janë skeptikë për realkizimin e shpejtë të të njejtit. Ata këkrojnë të mendohet edhe për gjetjen e alternativave për lehtësimin e trafikut Brenda vetë lagjes Cair, së mbipopulluar jo vetëm me njerëz por së fundmi edhe me automjete. .

 

 

 

 

"Ishte në plan të ndërtohet para disa viteve. Nëse ndërtohet do të ishte shumë mirë sepse njerëzit po  i ikun turmës së madhe në komunikacion", thanë qytetarët për TVM2.

 

Shkupi ka kohë që ka probleme me bllokimin e trafikut. Zgjidhja e re do të mundësojë edhe më pak trafik në udhëkryqin e Bit Pazar, ku çdo ditë kalojnë 90,000 automjete.