Gjykata Supreme ende shqyrton ankesat, nuk dihet kur Jankullovska do të paraqitet në burg

Gjykata Supreme ende pret vendimin për rishqyrtim të jashtëzakonshëm të vendimit parësor.

 

“Procedura për lëndën në fjalë është në vijim e sipër para Gjykatës së Lartë të Maqedonisë së Veriut. Për shkak të interesit të opinion, gjykata me kohë do t’i kumtojë vendimet e miratuara, ashtu siç ka bërë te shumë lëndë. Në këto momente nuk mund të dihet se kur do të sillet vendim për këtë lëndë, pasi që procedura është e jashtëzakonshme dhe për të njëjtën nuk do të mbahet seancë publike”,- thonë nga Gjykata Supreme.

 

Ish ministrja Jankullovska u dënua me 6 vjet burg për rastin “Tanku”, vendim ky që nga Gjykata e Apelit u zvogëlua në 4 vjet. Për të njëjtin rast ishte i akuzuar edhe ish kryeministri Gruevski që tashmë gjendet në Hungari, ku ka fituar të drejtën e azilit. Edhe ai shfrytëzoi të njëjtën mundësi ligjore dhe u arratis në Budapest pikërisht gjatë kohës kur pritej që Gjykata e Apelit ta dërgojë vendimin në Gjykatën Supreme.