Subvencione nga Qyteti i Shkupit për trotinetë elektrik, për 215 qytetarë

Qyteti i Shkupit sot ka shpallur thirrrjen  publike për subvencionimin dhe blerjen e trotinetëve elektrik dhe biçikletave.

Subvencionet për trotinetë elektrikë, do t’I përfitojnë ata qytetarë që i kanë blerë këto pajisje në vend nga 1 janari 2019. Thirrja vlen deri në shpenzimin e të gjithë buxhetit të parashikuar, që është  1,5 milionë denarë,

Qyteti i Shkupit kompenson një pjesë të mjeteve për furnizim në vlerë prej 30% të shumës totale të trotinetit elektronik, por  jo më shumë se 7000 denarë për person, me përfshirjen e tatimit personal.

Në thirrjen për subvencionim për biçikleta  ndërkohë theksohet se ato duhet të jenë blerë deri më 27 maj. Për këtë  projekt janë ndarë 2 milionë denarë dhe I njejti do të zgjasë deri në shpenzimin e gjithë buxhetit, por  jo më vonë se 30 nëntori. Qyteti i Shkupit mbulon 50% të vlerës së biçikletës, mirëpo jo më shumë 3000 denarë për person, me përfshirjen e tatimit personal.

Qytetarët që duan të përfitojnë nga kjo thirrje publike,  duhet të plotësojnë këto kushte:

•          Të jenë banues në Shkup,

•          Të mos ketë marrë mjete financiare për furnizim për biçikleta nga Qyteti i Shkupit dhe të shfrytëzojë konkursin deri në afatin e parashikuar.

Mjetet do të ndahen  sipas parimit: “Kush vjen i pari, shërbehet i pari”.