Krimi kibernetik – sfidë për shoqërinë, vendet e Ballkanit këmbejnë përvojat

Interneti jo gjithmonë jep të mira dhe përfitime, madje shpesh në praktikë është treguar se sa dëme e probleme mund t’i bëjë ai sigurisë dhe privatësisë së qytetarëve, institucioneve dhe sektorit privat. Krimi kibernetik mblodhi në Shkup autoritetet e shoqërisë informatike të Ballkanit që këmbyen përvojat për mbrojtje nga sulmet sajber. 

 

“Në strategjinë tonë të sigurisë sajber kemi plan aksional që ka të bëjë në periudhën e disa viteve dhe realizojmë aktivitete si ky sot, një lloj ushtrimi me të cilin do të mund të zhvillohen skenare mbrojtëse gjatë sulmeve sajber”,- tha ministri i Administratës dhe Shoqërisë Informatike, Damjan Mançevski.

 

“Sajber siguria është transnacionale dhe vendet veçmas nuk mund të përballen me sfidat që sjell ajo me vete. Për këtë arsye nevojitet këmbim i përvojave dhe përmirësim i kapaciteteve për sajber siguri, që t’u ndihmojmë vendeve të marrin hapat e duhura në këtë drejtim”,- u shpreh Marko Obiso nga Unioni Telekomunikues për Siguri Sajber.

 

“Ne dhe Rumunia jemi të fokusuar në avancimin e teknologjisë bashkëkohore, si për shembull haj pauwer, si blok change dhe jemi krenarë që ndodhemi këtu për t’i prezantuar përvojat tona në fushën e IT-së”,- tha Jonut Andrej nga Ministria e Informatikës-Rumani.

 

Punëtoria ndërkombëtare për siguri kibernetike do të vazhdojë punën edhe në 3 ditët e ardhshme.