Tensionohen raportet mes Iranit dhe Britanisë

Irani, ka thirrur ambasadorin britanik për t'u ankuar, në atë që Teherani thotë se është konfiskim ilegal i një cisterne iraniane të naftës.

Marinsat britanikë ndihmuan autoritetet në Gjibraltar të kapnin anijen transportuese, për shkak të provave se ajo po shkonte në Siri, duke shkelur kështu sanksionet e BE-së. Ministri i jashtëm i jashtëm spanjoll, Josep Borell, tha se konfiskimi i anijes “Grace 1”, u bë me kërkesën e SHBA-së.

Një zëdhënës i Ministrisë së Jashtme iraniane tha se mbajtja e cisternës së saj ishte e paligjshme.

Nëse konfirmohet se cisterna është ngarkuar nga Irani, në përpjekje për ta dërguar në Sirinë e shkatërruar nga lufta, atëherë kjo përbën shkelje të sanksioneve të SHBA-së për eksportuesit iranianë të naftës.