Dënimi për “El Chapon”, burg i përjetshëm, plus 30 vjet për mbretin e drogës

Guzman, 62 vjeç, u shpall fajtor në muajin shkurt për dhjetë akuza, përfshirë atë për trafikim të drogës dhe shpëlarje parash.

 

Ai u arratis nga burgu i Meksikës përmes tunelit në vitin 2015, por u  arrestua më vonë. Më 2017, është ekstraduar në Shtetet e Bashkuara. Ka udhëhequr kartelën Sinaloa në veri të Meksikës, që sipas zyrtarëve ka qenë furnizuesja më e madhe e drogës në SHBA. Po ashtu thuhet se ka paguar njerëz për të kryer qindra vrasje, sulme, rrëmbime dhe akte torturash. 

 

Gjatë gjykimit, dëshmitarët kanë thënë se "El Chapo"ka torturuar armiqtë e kartelit të tij. Në vitin 2009, ai ka hyrë në listën e burrave më të pasur në botë, të përpiluar nga revista Forbes.