Izrael, qindra të evakuuar, zjarre dhe temperatura deri në 50 gradë

Disa zjarre shpërthyen të mërkurën në të gjithë Izraelin, ndërsa temperaturat arritën deri në 49.9 gradë celsius, duke nxitur evakuimin e qindra shtëpive në të gjithë vendin. Zjarrfikësit u vunë në alarm të kuq dhe vullnetarë u thirrën në të gjithë vendin. 5 njerëz, 3 burra të moshës 64, 60 dhe 35 vjeç, dhe 2 gra të moshës 70 dhe 41 vjeç, u plagosën lehtë nga thithja e tymit.

 

Për shkak të erërave dhe motit të keq, zjarrfikësit po e menaxhojnë situatën në këmbë, pa ndihmën e avionëve të zjarrfikësve. Policia ka bllokuar disa rrugë si pasojë e zjarreve. Temperaturat janë më të lartat e matura që nga themelimi i shtetit të Izraelit. Ministria e Shëndetësisë e Izraelit, paralajmëroi të moshuarit dhe të sëmurit kronikë, të shmangin ekspozimin në diell.