Portugalia “në flakë”, 20 të lënduar, 1800 zjarrfikës në aksion

Rreth 1,800 zjarrfikës po përpiqen të përmbajnë  nën kontroll zjarret në Portugali qendrore që tashmë kanë lënduar 20 vetë, përfshirë edhe tetë zjarrfikës, njoftuan sot  autoritetet portugeze.

 

Zjarri shpërtheu të shtunën nëpër tri fronte në rrethin e Castelo Brancos, 125 milje në verilindje të Lisbonës, tha Agjencia e Mbrojtjes Civile e Portugalisë. Zjarrfikësve iu erdhën në ndihmë edhe 19 avionë zjarrfikës dhe qindra automjete. Kjo është periudha e parë e madhe e zjarreve në Portugali këtë vit.