Rusia pendohet për shkeljen e hapësirës ajrore në Korenë e Jugut

Rusia ka thënë se një ndërhyrje në hapësirën ajrore territoriale të Koresë së Jugut nuk ishte e qëllimshme, kjo sipas zyrës presidenciale të Seulit.

 

Zyrtarët e Koresë së Jugut thonë se një zyrtar ushtarak rus shprehu keqardhje të thellë në ministrinë e mbrojtjes të Koresë së Jugut dhe tha se ishte një gabim teknik. Sipas Shtëpisë Blu të Koresë së Jugut, Rusia tha se shkelja ishte e paqëllimtë dhe se menjëherë do të niste një hetim mbi rastin.

 

Kjo nuk është konfirmuar nga zyrtarët rusë. Ministria e mbrojtjes e Kinës mohoi se ndonjë prej avionëve në patrullë hyri në hapësirën ajrore territoriale të ndonjë vendi.