Investuesit austriakë presin shtim të fitimit

Kështu vlerësojnë Kompanitë austriake, të cilat kanë investuar në Maqedoni, bazuar në rezultatet e një  hulumtimi. Madje gjatë vitit të ardhshëm, 60 % të Kompanive austriake presin rritje të të ardhurave në Kompanitë e tyre. 

 

“Në Maqedoni ka rreth 45-50 Kompani nga Austria, të cilat janë me filiale të reja ose përfaqësi. Ato veprojnë në sferën e shërbimeve dhe nuk ka asnjë në sferën e prodhimit, por shpresojmë se kjo gjë do të ndryshojë gjatë viteve të ardhshme. Të dhënat nga hulumtimi ynë tregojnë se Kompanitë austriake janë më optimiste për gjendjen ekonomike në Maqedoni”- deklaroi shefi i Sektorit Tregtar pranë Ambasadës austriake në Shkup, Gerhard Shatel.

 

Pjesa më e madhe e Kompanive austriake kanë numër të vogël të të punësuarve, ndërsa numri i plotë është rreth 6 mijë të punësuar.

 

Sipas statistikës më të re zyrtare të “Bankës Popullore”, vlera e plotë e investimeve direkte nga Austria në vend kap shumën 437 milionë euro deri në fundin e kuartalit të dytë të vitit 2014.