Rasti “Zhvatja”, “La Verita” publikoi biseda të reja

Me titullin “Rasti tronditi qeverinë në Shkup” u publikua materiali i dytë 12 minutësh ku dëgjohen biseda mes zhvatësit, Bojan Jovanovski, dhe Orce Kamçevit për pagesën e bërë prej 1 milionë euro.

 

Në këto audio-incizim dëgjohet momenti kur Jovanovski ia shpall dyshimet e tij Kamçevit për kartëmonedhat e numëruara në vlerë prej 50 eurove dhe jo më shumë, ndërsa Kamçevi bind atë se nuk ka mundur të gjejë bankënota me vlera më të mëdha.

 

Moment tjetër shokues në këtë video është kur tashmë i arrestuari  Boki gjatë bisedës me të dyshuarin kryesor në rastin “Perandoria”, Orce  Kamçev, për të caktuar takimin e radhës për të “shpëtuar nga grilat e burgut” dëgjohet një zë gruaje e cila supozohet të jetë i kryprokurores speciale, Katica Janeva, që i thotë Kamçevit “Mos u brengos, çdo gjë do të jetë në rregull”, ndërsa po ashtu në këtë video përmendet edhe prokurorja speciale, Lile Stefanova. 

 

 

Gazetari italian ka paralajmëruar edhe publikimin e video incizimeve të reja. Ai thotë se qëllimet i ka të sinqerta, me qëllim që të nxisë luftë kundër korrupsionit dhe luftë për një gjyqësor të pavarur.

 

Ai gjithashtu kritikon qëndrimin e BE-së ndaj Maqedonisë dhe thotë se tashmë është koha që vendi të anëtarësohet në Bashkimin Evropian.