Mickovski: “Zhvatja”, vetëm një gurë nga sistemi i krimit

Partia e e Hristijan Mickovskit  rastin Zhvatja dhe  ciklin e ri të materialeve të publikuara në opinion i cilëson si një oktapod të kriminalizuar i servuar në pjatë, i ndarë në copë të vogla deri në detajin më të fundit.

Vete kreu i kësaj partie  thotë se  Kiki dhe Friki janë të mbrojtur nga pushteti, por kryeministri i Maqedonisë së Veriut, Zoran Zaev, nëse duhet do të flijojë dikë vetëm për të shpëtuar ai vetë.

“E vërteta është se qeveria nën maskën e luftës kundër krimit ka krijuar dhe po mbron krimin. Tolerimi i tillë i krimit po shndërrohet në ofendim për qytetarët. Thënë thjeshtë, kjo do të thotë, Katica, e cila është e përkëdhelura e Zaevit, duhet të presim të këthehet nga ‘pushimi’, të cilin rastësisht po e kalon te fqiu jugorë, me shpresë se ndoshta do të qetësohet dhe do të jep deklaratë për pjesëmarrjen e sajë në zhvatjen milionëshe”,  ka shkruar Mickoski.

Nga partia e Mickovskit thonë se se ky nuk është rast i izoluar dhe se rasti “Zhvatja” është vetëm një gurë nga sistemi i krimit dhe korrupsionit që sundon në Maqedoni.

JANUSHEV: TË ARRESTOHEN TË GJITHË TË INVOLVUARIT

Sekretari i përgjithshëm i VMRO-DPMNE-së Igor Janushev thotë se mafia e mori vendin e saj,  falë qeverisjes  se Zoran Zaevit. 

Janushev shton se askush më nuk ju beson alibi komunikatave, e as  arsyetimeve  të dala nga prokuroria e Përgjithshme, aq më pak  nga kryeministri Zaev,  i cili sipas VMRO-së ka bërë tregti me shtetin e së drejtës.

“Nëse gjithë këtë e ka ditur prokuroria dhe Ruskovska dhe nëse gjithë kjo është pjesë e materialit  të cilin e posedon prokuroria si dëshmi, atëherë përse e kanë manipuluar opinionin se kinse  Zoran Zaevi është i pari i cili e ka paraqitur rastin. Ky material tregon se edhe nëse Zaev  e ka paraqitur rastin, atë e ka bërë vetëm për të shpëtuar, sepse e ka ditur që ka dëshmi  për involvimin e tij  në gjithë operacionin e Boki 13, dhe Katica Janevës , ku sigurisht që me lejen e tij  është realizuar” – tha sekretari i përgjithshëm i VMRO-DPMNE-së, Igor Janushev.

VMRO kërkon dorëheqje nga të  involvuarit në këtë rast, si dhe zgjedhje të mnjëhershme parlamentare, si rrugdalja e vetme nga situate e krijuar. (Merita Gashi, TVM2)