Kinë, stuhia “Lekima” i merr jetën 28 personave

Tajfuni Lekima ka goditur Kinën duke lënë të paktën 28 njerëz të vdekur dhe më shumë se një million janë detyruar të largohen nga shtëpitë.

Zyrtarët thanë se vdekjet u shkaktuan nga një rrëshqitje e tokës, e shkaktuar nga stuhia e fuqishme. 

Ndërkohë dhjetë të tjerë janë raportuar të zhdukur. Stuhia fillimisht u cilësua si një "super tajfun", por u qetësua pak para rënies në tokë. Sipas mediave shtetërore, rrëshqitja e dheut fatal ndodhi pasi u formua një liqen pengesë, ose digë natyrore, duke grumbulluar ujë nga shirat e dendur. Lekima pritet të godasë Shanghain, e cila ka një popullsi prej më shumë se 20 milion banorë.

Ekuipazhet e urgjencës janë në gatishmëri për të shpëtuar shoferët e bllokuar nga të mbijetuarit në rrënojat e ndërtesave të dëmtuara. Pemët e rëna dhe ndërprerjet e energjisë janë të përhapura në të gjithë vendin.