107 vjet nga çlirimi i Shkupit, nderohet Hasan Prishtina dhe luftëtarët e 1912-s

107 vjet më pare, më 12 gusht 1912,  forcat kryengritëse shqiptare të udhëhequra nga mendjendrituri dhe strategu ushtarak Hasan Prishtina dhe komandantët e  dëshmuar në luftën e popullit shqiptar për liri dhe pavarësi, Bajram Curri, Isa Boletini, Ali Shefqet Shkupi, Mehmet pashë Deralla, Idriz Seferi, Bajram Daklani çliruan Shkupin.

Ky përvjetor u shënua si tradicionalisht në Shkup, me përkuljen dhe kurora lulesh para para shtatores së veprimtarit Hasan Prishtina .

Familjarët e atdhetarëve të 1912, porosotën që fryma Hasniste të përcillet nga brezat e rinj.

“Kemi ardhur me një dhuratë protereti -Hasan Prishtina , në esencën e  frymës Hasaniste  që kjo frymë të përcillet në gjitha strukturat politike dhe në liderët shtetërorë politikë të shqiptarëve. Ashtu siç para 100 vjetve Hasan Prishtina diti të unifikojë të gjithë , jo vetëm frymën kombëtare por edhe në bashkjetesë dhe në zhvillim po edhe në orientim perendimor të vazhdohet edhe tash” – tha nipi i Hasan Prishtinës, Mehmet Prishtina.

“Ne jemi falenderes , pasardhës të tyre që na e kanë bërë të mundur të jemi të lirë këtu në kryeqendërn e Daradansië.  Kësaj dite do i bashkangjitet një koiçidencë që edhe marrëveshja e Ohrit 13 gushti, ku me këtë marrëveshje shënojmë një ditë të madhe në Maqedoninë e Veriut e cila ditë e demokratizoi këtë shtet” – u shpreh Zv.Kryeministri për sistem politik, Sadulla Duraku.

Çlirimi I kryeqendrës  së atëhershme të vilajetit të Kosovës, është ngjarja me rëndësi të jashtëzakonshme  në historinë e kombit shqiptar, e që  përgatiti masat e gjera popullore dhe opinionin ndërkombëtar, për shpalljen e Pavarësisë së Shqipërisë nga Perandoria Osmane më 28 nëntor të vitit 1912. (Zekirja Mexhiti, TVM2)