Vazhdoi seanca për lëndën “Titanik”, mbrojtja kërkoi anulim, gjykata refuzoi kërkesën

Seanca gjyqësore për rastin Titanik, për parregullësitë zgjedhore, vazhdoi  me shpalosjen e dëshmive  të reja me shkrim. Para fillimit të seancës avokati mbrojtës i të akuzuarve, Petar Vasilev, kërkoi anullimin e seancës, për shkak sic u shpreh, situates së krijur aktualisht.         

“Konsiderojmë se  situata e krijuar aktualisht dhe të gjitha veprimet që dolën në opinion kohën e fundit  janë dëshmi e mjaftueshme  që kjo séance të anullohet. Ti jepet mundësa lëndës dhe drejtësisë” - ka kërkuar avokati Vasilev.

Edhe  përkundër  përpjekjeve të avokatit mbrojtës, , Kërkesa për anulimin e seancës për Titanikun, nuk u pranua nga ana e gjykatësit Osman Shabani. 

Gykatësi në kundërpërgjigjen e tij  rikujtoi mbrojtjen se  për lëndën e re hetimore të cilën po e përmend mbrojtja,  ekziston prokuror kompetent i cili duhet të zbardhë rastin.

Ndërsa  sa i përket  dorëheqjes së kryeprokurores speciale  Katica Janeva,   gjykatësi  Shabani  rikujtoi avokatin  se procedura  për dorëheqjen e saj  ende nuk është e konstatuar, andaj seanca e sotme për Titanikun nuk do të anulohet.

“Flasim për lëndë që janë në kompetencë të prokurorisë tjetër. Çfarë do të dëshmohet dhe çfarë do të ndodhë do ta shohim. S’ka pengesa ligjore për anulim”, tha gjykatësi Shabani.

Lënda Titanik është ende në procedure të prezentimit të dëshmive, dhe udhëhiqet nga prokurorja speciale Lile Stefanova , emri i së cilës përmendet  në audiot  të publikuara për rastin Zhvatja  në gazetën italiane La Verita. 

Ajo  sot  vazhdoi  me prezentimin e dëshmive me shkrim për këtë rast , të cilat janë rreth 5 mijë në numër. Gjithsej  janë 21  persona të akuzuar për këtë lëndë, në mesin e të cilëve   funksionarë të lartë të kryesisë së VMRO-DPMNE-së.

Ish kryeministri me status azilant në Budapest, Nikolla Gruevski, Mile Jankievski, Kiril Bozhinovski, Gordana Jankullovska , Ilija Dimovski , dhe Martin Protugjer.

Prokuroria Speciale të njejtit i ngarkon për kryerje të veprës penale, shoqërim kriminel, cënim të së drejtës për votim të lire, marrje ryshfeti gjatë procesit zgjedhor, shkatërrim të materialit zgjedhor si dhe për keqpëdorim të mjeteve për finacimin të fushatës.

Deri në fund të javës janë caktuar edhe dy sanca të reja për këtë rast.  (Merita Gashi, TVM2)