Temperaturat prekin majat, rritet numri i thirjeve në ndihmën e shpejtë

40 gradë e më shumë në disa vende. Faza portokalli ka bërë që kategoritë e ndjeshme të evitojnë daljet në orët e pikut e të ndalohet puna në diell e të gjitha kategorive të punëtorëve.

 

Por  paralajmërimet e  kompetenëtve për punë në ambient të hapur nuk respektohen  dhe punëtorët sidomos ato të   ndërtimit  edhe më tej  shi8hen teksa punojnë në lartësi nëpër objektet në ndërtim .

 

As  numri I thirjeve në ndihmën e shpejtë nuk është pakësuar. Janë 150 thirrje në ndihmën e shpejtë të regjistruara vetëm në 24 orët e fundit nga personat me gjendje kolapsi, marramandjeve  , si dhe  të atyre  me tension të lartë të gjakut. Mjekët apelojnë të mos dilet pa nevojë në diellin përvëlues

 

“Nëse e kanë të domosdoshme qytetarët që të dalin në këtë vapë të marrin me vete lëngje sidomos ujë dhe të bëjnë pushime psh nëpër qendrat tregëtare ku munden të freskohen”, shprehet Vesna Nedellkovska nga ndihma e shpejte. 

 

Por qytetarët thonë se obligimet duhen kryer, pavarësisht sa lart ngrihet zhiva në termometër. 

 

 

 

 

“Unë vozitem me bicikletë dhe patjetër që marr me vete edhe ujë si dhe vishem me rroba me ngjyrë të bardhë, shprehen qytetaret.

 

Për ujë në këto temperatura përvëluese kanë nevojë edhe prodhimet bujqësore. Agrometeorologët apelojnë për ujitje të vazhdueshme. 

 

 “Më shumë  përballojnë misri dhe luledielli  pasiqë janë në fazën kur kokrra është e plotë dhe kur  fillon të piqet.Derisa për vreshtat   kjo kohë ,  këto  kushte janë  të rëndësishme sepse në këtë periudhë në gusht  formohet sythi i luleve për vitin e ardhshëm  dhe ne derisa nuk kemi rreshje të shiut dhe sasi të mjaftueshme të ujit të formohen  këto sythe të luleve  kështu që do të  ketë mungesë në njëfarë mënyre”, thekson agrometeorologu Angjellko Angjelleski. 

 

Sipas Entit Hidrometeorologjik vendi do të jetë në fazën e portokalltë deri të mërkurën . Më pas na pret një ulje e temperaturave për pak gradë, por të mjaftueshe për të marrë frymë. Kujdes! Vazhdojnë edhe më tej të jenë në fuqi ndalesat për lëvizje  nëpër male për shkak të rrezikut  për   shkaktim të zjarreve.