Përmendoret shqiptare përgatiten në Itali

Shumë shpejt do të vendosen tre përmendoret shqiptare në Shkup.  Komuna Qendër për TVM-2 paralajmëroi se procedura për vënien e tre heronjve shqiptarë në kryeqytet ka nisur dhe shumë shpejt kjo do të realizohet.

 

 

Zëdhënësja e kësaj Komune, Katerina Canevska-Arsovska, premton se Komuna Qendër nuk do të lejojë të mos vendosen përmendoret shqiptare dhe të përkeqësohen  marrëdhëniet ndëretnike në vend. Bustet dhe përmendoret e Nexhat Agollit, Pjetër Bogdanit dhe Josif Bagerit janë duke u punuar në Itali. 

 

“Në fazën e përfundimit është njëri nga tre bustet e heronjve shqiptarë. Kur do të mbarohen edhe dy bustet e tjerë dhe kur të njëjtit do të   dërgohen  nga  Italia në Shkup, atëherë edhe do të vendosen tre përmendoret shqiptare. Vendosja  e tre  përmendoreve shqiptare është obligim, i cili është marrë nga qeverisja e kaluar në këtë Komunë, ndërsa në opinion dihet qartë se  ngecja e realizimit të projektit të tre  përmendoreve shqiptare është krijuar qëllimisht ndërmjet dy cikleve zgjedhore nga qeverisja e kaluar”- deklaroi zëdhënësja e Komunës Qendër, Katerina Canevska.

 

Vendosja e përmendoreve të Nexhat Agollit, Pjetër Bogdanit dhe Josif Bagerit në Shkup, duhej të ndryshonte karakterin monoetnik të  projektit  “Shkupi 2014 “.