ASH: Zaev i amnistoi zyrtarët e BDI-së , tani ju kërkon ndihmë

Aleanca për Shqiptarët ka reaguar sot ndaj deklarimeve të një dite më parë të kreut të komunës së Sarajit, Blerim Bexheti, i cili akuzoi se problem i ngritur nga Antikorrupsioni, me platformat pa leje në Matkë, është në fakt hakmarrje politike ndaj tij, pasi ka refuzuar kërkesën e kryeministrit Zaev për të ndikuar tek dy anëtarë të Këshillit Gjyqësor, për të votuar për shkarkimin e një gjykatësi.

“Ju kishit mundësi të krijoni kushte që zyrtarët e BDI të përfshirë në korrupsion dhe krim të organizuar, se bashku me gjykatësit dhe prokurorët partiak, të japin llogari për të kaluarën e tyre, por nuk e bëtë atë, po i amnistoni mandej kërkoni ndihmë nga ata, dhe nuk është çudi të jeni bërë njëjtë si ata”, thuhet ndër të tjera në reagimin e ASH-së.