A funksionon ndërgjegjja qytetare për pastërtinë e ambientit?

Sot, pamja është krejt ndryshe. Prej dje, autoritetet në Komunën e Çairit bashkë me Higjienën Komunale kanë ndërmarrë “pastrimin gjeneral” të Komunës.

 

Rrugët janë larë dhe fshirë, janë ndërruar edhe shumica e kontejnerëve me të rinj dhe pritet që shumë shpejt të gjithë kontejnerët e vjetër të ndërrohen. Ky pastrim nuk ka kaluar pa u vërejtur edhe nga qytetarët. 

 

“Me vjen shumë mirë që u ndërruan kontejnerët në Çair, megjithatë është e padobishme të ndërmerren masa të tilla nëse qytetarët nuk e respektojnë higjienën e përgjithshme, duhet të gjithë të jemi pjesëmarrës që të bëhet qyteti i pastër sikur në vendet perëndimore”- deklaroi një qytetare.

 

“Mendoj se duhet, se nëse nuk e ke pastërtinë s’ke as shëndet. Qytetarët duhet të kujdesen”- theksoi një qytetarë.

 

”Duhet vetë ta mbajnë, qytetarët”- potencoi një qytetarë.

 

“Njerëzit dhe Higjiena Komunale, tjetër kush mund të kujdeset”- tha një qytetare.

 

“Këto mirë janë nuk është keq, por ne s’jemi të kulturës, mbeturinat duhet t’i hedhim në kontejner e jo t’i lëmë kudo”- u shpreh një qytetare.

 

“Përgjegjësia i bie qytetarëve”- theksoi një qytetarë.

 

Tani na mbetet puna më e vështirë. Të gjithë duhet të pyesim veten se ku duhet t’i hedhim mbeturinat, sepse po aq shpejt sa u pastruan, vetë ne jemi në gjendje për një ditë sërish ta bëjmë pis lagjen tonë. Po atëherë fajin nuk do ta kenë autoritetet, por ne vetë. 

 

Higjiena Komunale dhe Komuna e kryen detyrën e tyre për pastrimin e tërësishëm të mbeturinave në Çair, tani përgjegjësia na mbetet neve qytetarëve të kujdesemi dhe të ruajmë ambientin ku jetojmë.