Fati i Speciales, sytë nga grupet e punës, LSDM: Shpresojmë në kompromis me opozitën

Fillimi i kësaj jave, është shanci i fundit për dakordim rreth ligjit të ri për prokurorinë Themelore, që të martën duhet të dalë para deputetëve. Pritet që grupet e punës të ulen edhe një herë në tryezë, për të vendosur. Pika më e nxehtë padyshim që është fati i PSP-së, që synohet të zgjidhet përmes ligjit për prokurorinë themelore.  Ligji kalon vetëm me shumicën e dy të tretave . LSDM është optimiste se do të arrihet  kompromisi me opozitën sepse ky ligj sipas tyre  ka të bëjë me funksionin e drejtësisë në vend , që I intereson edhe opozitës.  

 

"LSDM ka insistuar në periudhën e kaluar që të arrihet marrëveshje e gjithcka që kemi bërë është pikërisht në drejtim të sjelljes së ligjit për Prokurori Publike. Nga ana jonë do të bëjmë gjithcka që duhet e shpresojmë që edhe nga ana e tyre do të bëhet e njejta. Edhe kryeministri tha se  shumica e propozimeve që janë dhënë nga VMRO-DPMNE –ja opozitare, janë të inkorporuar në propozim ligj”, tha Goran Sugareski nga LSDM

 

 

Opozita maqedonase kërkon nga LSDM të jetë serioze dhe të gjendet zgjidhje për ligjin për Porkurori Publike në pajtim me principin e  sundimit të ligjit. Por, sipas VMRO-DPMNE-së situata me të dyshuarit e funskionarëve të LSDM-së në aferën e fundit, nuk lë përshtypjen se  janë të gatshëm për luftë kundër korrupsionit dhe krimit të organizuar.

 

“Pyetja është se sa I gatshëm  është pushteti të miratojë ligj të vërtetë për luftën kundër korrupsionit dhe krimit  të organizuar përderisa është I kapur në skandalet më krimogjene dhe të korruptuara, ku janë përfshirë maja e mafias shtetërore, respektivisht pushteti ekzekutiv. Pres seriozitet dhe kuptim të momentit dhe kohës për miratimin e këtij ligjit”, tha Naum Stoilkovski nga VMRO-DPMNE

 

Propozim ligji për Prokurori Publike është vënë në axhendën e parlamentit për me 27 gusht si ligj me flamur europian dhe pritet  të miratohet me procedurë të shpejtë. Propizim ligji qeveritar për Prokurori Publike parasheh inkorporimin e PSP-së  në Prokurorinë Themelore  për ndjekjen e krimit të organizuar dhe korrupsionit.  Fati I PSP-së llogaritet si çëshje që nëse nuk zgjidhet, do ta pengonte në vendimin për dhënien e datës për bisedime me BE-në në muajin tetor.