Rasti "Monstra", Fetai: Do të dëshmojë edhe Kryeministri Zaev

Prokurorja speciale Fatime Fetai do të ftojë Kryeministrin Zoran Zaev të dëshmojë në rastin "Monsta", kjo pasi familjarët e viktimave theksojnë se kanë marrë premtim nga Zaev se do të kuptohet e vërteta për vrasjen e pesfishtë. Gjatë sencës së sotme gjyqësore u njoftua se prokuroria speciale i ka dorëzuar trupit gjykues transkriptat nga bisedat telefonike dhe SMS porositë që kanë të bëjnë me këtë rast, të cilat janë burim i të ashtuquajturave bombat që i dorëzoi LSDM.

 

Siç u dakorduan trupi gjykues,prokuroria dhe mbrojtja në seancën e caktuar më 5 shtatorë përfundimisht do të fillojnë të shpalosen bisedat e përgjuara dhe SMS porositë, të cilat siç u theksua do të dëgjohen në prezencë të publikut. Gjatë sencës, Prokurorja Fetai tha se janë dorëzuar të gjitha dëshmitë që i posedojnë ndërsa theksoi se do të parashtrojë si dëshmi edhe të dhena që i janë dërguar në telefonin e sajë privat që kanë të bëjnë me rastin. Familjarët e viktimave ndërkohë theksuan se do të thërrasin në dëshmi edhe gjykatësin i cili cili gjykoi për herë të parë rastin,aktvendimin e të cilit e hodhi posht Gjykata supreme. 

 

Deri tek trupi gjykues, vërejtje adresoi i akuzuari Fejzi Aziri i cili është në burgun e Shtipit. Ai njoftoi se gjatë transportit të tij deri në Shkup, një punonjës policie nga burgu i Shtipit e ka torturuar dhe kërcënuar dhe si pasojë e kësaj prangat e shtrënguara me duar pas për rreth 3 orë rrugë I kanë shkaktuar lëndime të dukshme në duar. Vërejtjen e till, trupi gjykues tha se do tia adresojë Drjetorisë së burgut. Në rastin Monstra akuzohen Afrim dhe Agim Ismailoviq, Fejzi Aziri, Haki Aziri, Sami Luta dhe Alil Demiri.