Ligji për PSP-në, Kocijançiç: Besojmë në institucione, jo në individë

Komisioni Europian konsideron se marëveshja për zëvendësimin e prokurores speciale Katica Janeva konform procedurës  ligjore për shkarkim dhe emërim,  është çështje me të cilën duhet të merren vesh subjektet politike në Maqedoninë e Veriut, dhe se Komisioni Europian nuk ka kurfarrë roli në këtë proces, ka deklaruar për MIA-n, zëdhënësja e KE-së Maja Kociançiq.

 

Ligji për PSP-në u miratua nga Parlamenti i cili u mbështet me shumicë votash nga të gjitha partitë politike parlamentare, ka thënë Kociancic. 

 

“Themelimi i Prokurorisë Speciale Publike në Maqedoninë e Veriut ishte pjesë e marrëveshjes së Përzhinos, mes të gjitha partive politike kryesore në vend” Kuvendi e miratoi ligjin me të cilin u themelua PSP dhe e emëroi Katica Janevën në funksionin e kryeprokurores speciale. Zëvendësi ose zëvendësja e saj do të emërohet sipas ligjeve relevante në Maqedoninë e Veriut dhe Bashkimi Evropian nuk ka pasur dhe nuk ka kurrfarë roli në këtë proces”, u shpreh zëdhënësja e KE-së, Maja Kociançiq.

 

Nga Komisioni Evropian nuk  kanë komentuar lidhur me detajet e negociatave mes pushtetit dhe opozitës për të ardhmen e PSP-së, madje as për rastin “Zhvatja” Komisioni Evropian nuk beson në individë por në institucione, ka thënë Kociancic, sipas së cilës për Brukselin dhe vendet anëtare të BE-së, e rëndësishme është  hetim i shpejtë, efikas dhe transparent i rastit. 

 

“Fakti që Katica Janeva është e komprometuar nuk do të thotë se tërë institucioni është i tillë”, Presim hetim të paanshëm dhe zgjidhje për PSP-në e cila do të mundësojë të kthehet besimi në gjyqësi dhe në shtetin juridik në vend”, theksoi Kociançiq.

 

Diplomatët nga Brukseli si dhe përfqësuesit e lartë të Komisionit Europian shpresojnë që autoritetet gjyqësore të bëjnë hetim  për zbardhje të shpejtë të rastit Zhvatja  nga e cila  varet edhe vendimi për  marrjen e dates për fillimin e bisedimeve me Bashkimin Europian të paraparë për në  muajin tetor.