“Zhvatja” dhe ligji për PTHP-në, Arsovski:Procesi nuk rrezikohet, BE pret sundim të ligjit

Pas samitit të korrikut të Këshillit  të BE-së kur Maqedonia e Veriut nuk morri datë për bisedime,  vendi pret me padurim nëse drita e gjelbërt do të vijë në samitin e rradhës në tetor.

Analisti politik Petar Arsovski thotë se argumentet për fillimin e bisedimeve janë në anën tonë,   edhe përkundër faktit të skenave të brendshme poltike, siç janë mosmiratimi i ligjit për Prokurori Publike si kusht kryesor dhe  paraqitja e aferës ’Zhvatja”, që sipas Arsovskit,  ndikon direkt në pasqyrën e luftës kundër korrupsionit.

“Ngjarjet e fundit me aferën Zhavtja dhe ligji për  prokurori publike do të ndikojnë në vendimin e BE-së,  por kjo nuk do të rrezikojnë gjithë progresin që kemi bërë deri  tani.  Në fund poenta  nuk do të jetë vetëm për atë se a është paraqitur  ndonjë aferë,  por  si  ballafaqohet me të aparati shtetëror  dhe sistemi i sundimit të ligjit. Edhe bisedimet për PSP mendoj se janë një hap i mirë në kuptim të asaj  se  është hapur një lloj dialogu politik” – u shpreh analisti politik, Petar Arsovski.

Samiti i tetorit, Arsovski: Qëndrimet janë zbutur, jam optimist

Arsovski komenton edhe euroskepticizmin  e disa  vendeve të BE-së ndaj vendit tonë. Thotë se  tashmë edhe Franca  ka zbutur qëndrimin ndaj Maqedonisë dhe nuk pret sjellje  të njëjtë nga Parisi  sikur nga samitit paraprak.

“Franca dhe Holanda mbeten ende vende kritike në këtë drejtim por  informacionet e fundit nga Franca  janë se ata shohin pozititvisht në  drejtim të fillimit të  bisedimeve të Maqedonisë në këtë periudhë” – deklaroi Arsovski.

Arsovski flet edhe  per gaditshmërinë e instiucioneve për fillimin e bisedimeve më BE-në.  Thekson se adminsitrata  nuk   eshte plotësisht e formuar akoma , si politikisht ashtu edhe teknikisht, por shton se startimi i negociatave është proces që  ndërtohet dhe  kjo çështje  nuk do ti merr kohë të madhe vendit  për të qenë e kompeltuar në  hapjen  e bisedimeve. (Nermin Mulaki – Fejzullahu, TVM2)