FIZHT dhe “Start up” – Maqedoni, nënshkruan memorandum bashkëpunimi

Të gjithë të interesuarit për të filluar biznes personal, mund të marrin  mbështetje dhe këshilla nga ekspertë ndërkombëtarë në Qendrën e Ndërmarrësisë së Inovacionit Hapësinor “Start up” - Maqedoni, me vendndodhje në ish-ambientet e Fondit për Inovacion dhe Teknologji.

Kjo vjen si rezultat  i nënshkrimit të memorandumit për bashkëpunim   mes “Start up” - Maqedoni dhe Fondit për Inovacion dhe Zhvillim Teknologjik, që mundëson hapjen e një hapësire të përbashkët për të gjithë fillestarët dhe të rinjtë që duan të fillojnë bizneset e tyre.

“Tani është një ide e vërtetë për të bashkuar një pjesë tjetër të rëndësishme të enigmës për të ndërtuar dhe menaxhuar një shtëpi të komunitetit fillestar, hapësirë fizike dhe qendër sipërmarrëse, duke bashkuar të gjithë aktorët në ekosistemin maqedonas nën një çati. Në  këtë Qendër  do të thellojmë bashkëpunimin me kompanitë që duhet të kontribuojnë në të ardhmen në ide të reja, shkëmbim të njohurive, rrjetëzim, si dhe në aplikimin e programeve aktive të ndihmës financiare”,- tha kryetari i Qendrës  “Start up” – Maqedoni, Dejan Aleksov.

“Rezultati i bashkëpunimit me Konfederatën Zvicerane dhe “Start up” - Maqedoni janë më shumë se 80 kompani që FIZHT ka mbështetur financiarisht në dy vitet e fundit për realizimin e biznesit të saj. Deri më tani, rreth 2.5 milion euro janë investuar në të”,- u shpreh kryetari i FIZHT, Jovan Despotovski.

“Kanë  qenë vetëm disa organizata mbështetëse që ofruan shërbim të mirë, por kishte akoma shumë pak donatorë dhe masa shumë të kufizuara nga institucionet për të përmirësuar sipërmarrësinë. Katër vjet më vonë mund të themi se duket shumë ndryshe dhe tani Maqedonia e Veriut është vendi kryesor në rajon në zhvillimin e ekosistemit. Mendoj se “Start up” - Maqedoni ka një kontribut të madh për këtë. Mbështetja zvicerane për zhvillimin e ekosistemit do të vazhdojë edhe në të ardhmen”,- tha zëvendësshefi i misionit i Ambasadës zvicerane, Stefan Tomaxhan.

“Start up” - Maqedoni  ka punuar në mënyrë aktive në zhvillimin e ekosistemit në vend për pesë vitet e fundit, në mënyrë që të jetë konkurrues në tregun global dhe përmes programit zviceran të sipërmarrësisë sjell ekspertë të huaj që ndajnë njohuri, ekspertizë dhe risi. (Vlora Latifi – Topojani, TVM2)