VMRO-DPMNE: Prokuroria neglizhoi rastin “Zhvatja”

VMRO–DPMNE akuzon Prokurorinë Publike për neglizhencë të zbardhjes së të vërtetës për rastin “Zhvatja”. Sipas tyre, prokurorja Ruskovska komprometon hetimin e rastit në fjalë me qëllim që t’i mbrojë  porositësit e vërtetë të rastit “Zhvatja”. Zëdhënësi i VMRO-DPMNE-së, Dimçe Arsovski, thotë se rasti “Zhvatja” hetohen pa respektuar principet e drejtësisë.

“Prokurorisë iu deshën katër muaj që të mendojnë gënjeshtrën se Kiracovski vetëm njëherë është fotografuar me Bokin 13 si  distancim  kryesor të pjesëmarrjes së tij në reketim, ndërsa në realitet  i tërë opinioni  ka parë fotografinë se Kiracovski ka pasur edhe orë të tëra shoqërim me Bokin 13, ku këndojnë në kafene të  Shkupit. Pyetja kryesore është kjo: Për çka dhe te kush ka ndërmjetësuar Kiracovski për Bokin 13? Nëse e dimë se ka ndërmjetësuar tek biznesmeni dhe kryetari komunal nga radhët e LSDM-së, për çka ka ndërmjetësuar dhe çfarë u ka thënë që të dakordojë takimin?!”,- deklaroi Dimçe Arsovski nga VMRO –DPMNE.

LSDM: Të procesuohen të gjitha lëndët e PSP-së

Nga LSDM kundërpërgjigjen. Thonë se institucionet ndërtojnë mekanizma  të cilat përforcojnë kapacitetet e shtetit ligjor. Për këtë fakt, sipas LSDM-së, flet edhe paraburgimi i Janevës, që do me thënë se drejtësia vlen për të gjithë njësoj. Ndërkaq në kohën e VMRO-DPMNE-së ka qenë absurde burgosja e funksionarëve e pasi që sistemi gjyqësor ka qenë i varur nga Gruevski, thotë Kostandinov. 

“Rasti “Zhvatja” dhe ikja e Katica Janevës nga pozicioni kryesor i PSP-së, nuk i amniston nga përgjegjësia penale funksionarët e mëparshëm shtetërorë për të gjitha krimet dhe keqpërdorimet që dolën nga incizimet e përgjimeve. Të gjitha ato raste duhet të vazhdojnë të procesohen  dhe të marrin vendim gjyqësor dhe të ketë drejtësi”,- tha Kostandin Kostandinov nga LSDM.

LSDM nuk do të amnistojë askënd për krim dhe Maqedonia e Veriut është shtet juridik ku ligjet vlejnë për të gjithë njësoj, thotë Kostandinov. (Nermin Mulaki Fejzullahu, TVM2)