Vijon afati i dytë i regjistrimit në Universitetin “Shën Qirili dhe Metodi”

Në Universitetin “Shën Qirili dhe Metodi” në Shkup sot fillon afati i dytë i regjistrimit.

Nesër dhe të hënë janë regjistrimet në universitetin “Shën Klimenti i Ohrit” në Manastir ndërsa më 16 dhe 17 Shtator në universitetin “Goce Delçev” në Shtip.

Afati i dytë i regjistrimit në Universitetin Shtetëror të Tetovës tashmë është në vijim e sipër.

Në të gjitha fakultetet në universitetin më të madh në Shkup ka vende të lira për regjistrim në afatin e dytë, përveç në mjekësi, ku kuotat shtetërore dhe private janë mbushur qysh në afatin e parë.