Rama takoi Merkelin, kërkon votë pro hapjes së negociatave në tetor. Ambasadori i BE-së në Tiranë: Dialog politik, para vendimit në tetor

Gjatë vizitës së tij, Rama është takuar me kancelarin, Angela Merkel, nga e cila ka marrë vlerësime pozitive.

 

“Në Kancelarinë Federale për të kërkuar po-në për Shqipërinë. Shumë i inkurajuar nga vlerësimet dhe predispozita pozitive ndaj Shqipërisë e kancelares Merkel, mike e vërtetë",- shkruan Rama në Twiter.

 

Edhe Zyra e kancelares Merkel ndau me ndjekësit e saj në rrjetet sociale takimin me Edi Ramën.

 

“Në fund të shtatorit, Bundestagu do të vendosë nëse kancelaria, Angela Merkel, mund të pranojë hapjen e negociatave të anëtarësimit në BE me Shqipërinë në samitin e BE-së në mesin e tetorit”,- thuhet në njoftim.

 

Më herët, ambasadori i Bashkimit Europian në Tiranë, Luigi Soreca, u bëri thirrje palëve politikë që të ulen në dialog, para vendimit për negociatat.

 

Vende skeptike që ende nuk janë shprehur lidhur me negociatat e Shqipërisë në BE janë Franca dhe Holanda.