Osmani në Bruksel në takime me Mogherinin, Tusk të martën në Shkup

Zëvendëskryeministri  për Çështje Evropiane, Bujar Osmani, gjendet në një vizitë pune në  Bruksel, ku do të mbajë takim pune me përfaqësuesen e lartë të Bashkimit Evropian për Punë të Jashtme dhe Politikë të Sigurisë dhe nënkryetare e Komisionit Evropian, Federika Mogerini.

Takimi, siç informon Sekretariati për çështje evropiane, do të shfrytëzohet për riafirmimin e përgatitjes së vendit për progresin në integrimin evropian, në prag të Samitit të BE-së në tetor.

Në kuadër të vizitës, Osmani do të mbajë takim edhe me Sekretaren Shtetërore për Çështje Evropiane, Andreja Metelko- Zgombiç dhe me Drejtoreshën për Ballkanin Perëndimor në kuadër të Drejtorisë së Përgjithshme për Fqinjësi dhe Zgjerim në Bashkimin Evropian, , Genoveva Ruiz Kalavera.

Vizita e punës në Bruksel është pjesë e turneut të në metropolet e vendeve anëtare të BE-së, pas së cilës do të vijojnë edhe vizitat në Berlin dhe Varshavë në fund të javës.

Në prag të vendimeve për marrjen e datës për fillim të bisedimeve me Bashkumin Europian në tetor, të martën ndëkrohë për vizitë në Shkup vjen  presidenti i Këshillit europian Donald Tusk që do të ketë takime me kryeministrin Zaev dhe zyrtarë të tjerë të lartë.