Rasti “Zhvatja”, Jovanovski dëshmon sot para Ruskoskës

Kjo është deklarata e dytë e Jovanovskit, që aktualisht gjendet në paraburgim në Burgun e Shutkës. Më 15 korrik, ai u mor në pyetje në Prokurori së bashku me të dyshuarin e dytë, Zoran Milevskin. Të martën në Prokurorinë për Ndjekjen e Krimit të Organizuar dhe Korrupsionit, do të duhet të dëshmojë edhe ish-kryeprokurorja speciale, Katica Javneva, e cila gjithashtu gjendet në paraburgim si e dyshuara e tretë në këtë rast.

 

Në periudhën e fundit lidhur me këtë rast, në Prokurori dëshmuan biznesmeni, Siljan Micevski, moderatorja, Lila Filipovska, dhe deputetët, Frosina Remenski dhe Aleksandar Kiracovski, si dhe kryetarja e Kuvendit të Lidhjes ndërkombëtare, Agapi Dika, dhe biznesmeni, Zoran Azmanov.