Indonezi, tërmet 5.8 ballë, 6 viktima e 12 të lënduar

Tërmeti goditi provincën Maluku të Indonezisë, në orën 6:48 të mëngjesit, sipas kohës lokale. Tërmeti gjithashtu ka shkaktuar edhe dëme të shumta materiale, çfarë ka bërë që shumë banorë të evakuohen.

 

Sipas Agjencisë Kombëtare të Menaxhimit të Fatkeqësive, tërmeti dëmtoi një numër të objekteve publike, siç janë urat dhe rrugët kryesore, që çojnë në portet dhe ndërtesat e kampusit në disa universitete. Ai gjithashtu dëmtoi disa kisha dhe xhami rreth qytetit.

 

Tërmeti në Indonezi vjen pas një valë tërmetesh që këtë javë po tronditin më shumë vende të botës. Të shtunën u prek Shqipëria nga një tërmet me forcë lëkundëse 5.8, më pas lëkundjet vijuan në Greqi e Pakistan, dhe dje u lëkund fuqishëm edhe Turqia.