Ligji për prokurorinë publike, Selmani: Po kërkohet të humben gjurmët e së keqes; Kapitujt 23 dhe 24, Selmani: Shteti ligjor do të funksionojë një ditë

Pas të gjitha pasojave që ka prodhuar sistemi i drejtësisë në Maqedoninë e Veriut, aktorët politik nuk nxorrën mësimin e vërrtetë për ta kthyer sundimin e shtetit ligjorë në vend, vlerson profesori universitar Bashkim Selmani.

 

Sipas tij me zvarritjen e marrëveshjes për Ligjin mbi Prokurorinë e Përgjithshme , po blihet kohë për t’i humbur gjurmët dhe për t’i vjetërsuar lëndët e së keqës që i ndodhën vendit si pasojë e politikave joefektive ndër vite.  

 

“E gjithë kjo zvarritje që po ndodh për momentin nga dinakëria e LSDM-së dhe VMRO-së pikërisht kërkon kohë për të humbur gjurmët dhe për t’i vjetërsuar lëndët dhe krimet e së keqës që janë si pasojë e politikës joefektive dhe kriminale që ndodhi brenda 20 viteve apo të themi nga pavarsia e Maqedonisë së Veriut deri në ditët e sotit. Prandaj ka një zhvatje politike dhe kriminale midis këtyre dy partive politike që zgjatën dorën njëra tjetrës në forma të ndryshme”, u shpreh eksperti juridik Bashkim Selmani. 

 

Me hapjen e kapitujve 23 dhe 24 dhe monitorimin e këtij procesi nga faktori ndërkombëtarë vendi do të kthehet në binarët e duhur thotë Selmani.

 

“Kemi një fat të mirë që në kapitullin 23 dhe  24 siç duket Gjermania dhe ShBA-të do të marrin për sipër që të vënë në funksion shtetin e së drejtës dhe ardhja e tyre dhe hapja e bisedimeve shpresoj që Maqedonia e varrosur nga sistemi i drejtësisë që varrosën politikanët dashakeq të ardhëmërisë së fëmijëve të gjeneratave pasardhëse një herë e përgjithmonë do të marrë fundin e duhur”, theksoi Selmani.

 

Kërkesa për një prokuror ndërkombëtarë sipas profesor Selmanit është e mirëseardhur ndonëse kushtetuta vend nuk parashikon një gjë të tillë.

 

Sipas tij paratë e humbura të shtetit janë transferuar jashtë vendit dhe një prokuror ndërkombëtarë do ta kishte më lehtë për t’i hetuar.