SHBA-të sulmojnë militantët e IS-it
Ushtria amerikane thotë se ka bombarduar objektivat e Shtetit Islamik pranë Bagdadit...
Komanda Qendrore amerikane ka njoftuar se ka kryer dy sulme ajrore më 14 dhe 15 shtator, në mbështetje të forcave irakiane pranë Sinjarit dhe në jugperëndim të Bagdadit.
Sulmet, përfaqësojnë zgjerimin e misionit kundër militantëve të IS-it, i autorizuar nga presidenti amerikan, Barack Obama.
Sipas Komandës Qendrore, sulmet kanë shkatërruar 6 mjete transporti të militantëve të IS-it dhe një grup luftues të tyre të cilët po sulmonin forcat irakiane.
Lajmi është treguar sapo është bërë zyrtare që rreth 30 shtete janë pajtuar në Paris që të ndihmojnë Bagdadin me ndihma ushtarake, për të luftuar IS-in.
Militantët e IS-it kanë marrë nën kontroll pjesë të mëdha të Irakut dhe Sirisë, ndërsa thuhet se ata kanë një numër luftëtarësh prej rreth 31.500 personash, shifra këto të nxjerra nga CIA amerikane.