Agjencia e re për siguri kombëtare, Spasovski: 50 persona paraqesin rrezik për sigurinë

Rreth 50 persona nga ish Drejtoria për siguri dhe kundërzbulim është vërtetuar se përbëjnë rrezik në shërbimet e sigurisë dhe këta persona patjetër duhet të lëshojnë MPB-në. Këtë e deklaroi numri një i policisë, Oliver Spasovski, i cili shtoi se zgjidhja për këta persona është shpërndarja nëpër institucione tjera shtetërore, ndërsa të punësuarit tjerë në DSK, të cilët nuk kanë konkurruar në agjencinë e re, do të mbesin në MPB.

“Këtu kemi të bëjmë me dy lloje të ish të punësuarve në DSK, një pjesë të cilët nuk kanë konkurruar aspak në agjencinë e re dhe një pjesë të cilët kanë aplikuar dhe nuk kanë kaluar procesin e vettingut, për këta të fundit të cilët përbëjnë rrezik për sigurinë, do të duhet ta lëshojnë MPB-në, do të shpërndahen nëpër të gjitha institucionet tjera shtetërore”,- tha ministri i punëve të brendshme, Oliver Spasovski.

Nga dëshmitë në rastin “Target-Fortesa”, personat të cilët kanë zbuluar dhe kanë nxjerrë materiale të përgjuara nga DSK-ja, vetëm Zvonko Kostovski ka aplikuar në agjencinë e re dhe është pranuar, ndërsa Gjorgji Lazarevski fare nuk ka aplikuar dhe do të mbetet në MPB.

Dimkov: Dorëheqje nga Komisioni për punëtorët në ASK

Për anëtarët e rinj të Agjencisë për Siguri Kombëtare, opozitarja VMRO fajësoi pushtetin për përzgjedhje jashtë standardeve të anëtarëve të rinj të cilët do të shërbejnë në Agjencinë e sapoformuar. Anëtari i Komisionit për seleksionim, Trajço Dimkov, nëpërmjet një njoftimi, bën të ditur se deri te kryeministri, Zoran Zaev, ka parashtruar dorëheqje.

Dimkov, i cili është deputet nga radhët e VMRO-DPMNE-së, në njoftim thekson se shpreh mospajtim me “kredibilitetin e vlerësuesve dhe kriteret e paqarta për vlerësim”, me çfarë, sipas tij, të rregulluar me subjektivitet gjatë vlerësimit, që “seriozisht ka ndikuar në zgjedhjen e kandidatëve”.

Ai thekson se nevojiten reforma në sektorin e sigurisë të cilat “do të rezultojnë me shërbime efikase dhe profesionale”. (Zekirja Mexhiti, TVM2)