Izairi: Dënime për ndotësit e mëdhenj të ajrit

Afrohet afati i fundit  për plotësimin e kushteve ekologjike,  i cili detyron  ndotësit e mëdhenj në vend, “Makstil” dhe “Jugohrom” , deri më 31 tetor, të instalojnë filtrat mbrojtëse të ajrit. 

 

Ndonëse ligji i  detyron kompanitë të montojnë këto filtrata në oxhaqet e tyre, “Jugohromi” ende nuk e ka filluar këtë procedurë obliguese ligjore . Ministri  i ekologjisë Nurhan Izairi,  për TVM -2 paralajmëron dënime konkrete nga 1 nëntori, ndaj  të gjithë atyre kompanive  të cileat nuk do të respektojnë ligjin.  

 

“Ngrohtorja “Makstil’ është  duke punuar intensivisht në këtë drejtim, ndërsa “Jugohrom-i” jo.Ata nuk i kanë plotësuar kushtet elementare për mbrojtjen e ajrit  dhe nëse vazhdojnë kështu,  qeveria do të jetë e obliguar të veprojë sipas ligjit . Ligji është i qartë, ai parasheh montimin e  filtrave dhe nëse keëtë gjë nuk e kanë bërë, atëherë duhet  ndërprejnë punën”, thotë ministri Izairi.

 

Por nuk janë fabrikat e mëdha të vetmet ndotëse të ajrit . Me fillimin e vjeshtës dhe sezonit të ngrohjes, do të rritet edhe përqindja e ajrit të ndotur mbi qytetet tona. 

 

1/3 e  ndotjes se ajrit shkaktohet nga  automjetet e vjetra të importuara nga vendet europiane, por  në ndotjen e ajrit ndikojnë edhe amvisëritë. 

 

Ministri Izairi thotë se kjo gjendje do të permirësohet me ndalesen për hyrjen në RM të  makinave me “euro 3”, ndalesë kjo që zyrtarisht pritet të fillojë vitin e ardshhëm. 

 

“Ndalesa  dukshëm do të përmirësojë gjendjen në  shumicën  e qyteteve të Maqedonisë. Nga viti i ardshhem kjo do te jetë si  masë që do ta miratojë qeveria  dhe  do te ndikojë  shumë pozitivisht në parandalimin  e  ndotjes së ambientit”, shton Izairi.

 

Realizimi i kritereve ekologjikë  dhe montimi i  filtrave mbrojtës nga ana e kompanive,   është anuluar disa herë deri tani. Qytetarët e Maqedonisë vazhdojnë të thithin  ajër   të ndotur për shkak të mungesës së  vullnetit të  përfaqësuesve të kompanive për instalimin  e filtrave mbrojtës  adekuatë.