Seancë e re për “Monstrën”, shqyrtohen dëshmitë

Në seancën e sotme gjyqësore per rastin Monstra, prokurorja Fatime Fetai kërkoi përgjigje konkrete nga ministria e drejtësisë  se deri ku është procedura e ekstradimit të  dy të akuzuarve  në rastin “Monstra”, Alil Demiri dhe Afrim Ismailoviq, të cilët gjenden në Kosovë.

Duam të marrim informacion nga ana e ministrisë së Drejtësisë se a ka filluar procedura e ekstradimit, cilat janë hapat qëi ka ndërmarrë  pala kosovare, ka thënë prokurorja Fetai sipas së cilës deri më tani të gjitha përgjigjet kanë qenë të njejta ndërsa procedura është në vijim e sipër, ka shtuar prokurorja Fetai. Fetai ka shtuar se për disa muaj  mund të pritet edhe vendim përfundimtar  për këtë rast  andaj është e papranueshme një përgjigje e këtillë.

Takim me ministren e Drejtësisë Renata Deskovska  kanë  kërkuar edhe familjarët e viktimave.

Në seancën e re për rastin “Monstra”,  e cila është në procedurë dëshmuese  fillon  publikimi i SMS-porosive dhe transkriptave tjera, të propozuara si dëshmi shtesë nga Prokuroria. Procesin gjyqësor e drejton gjykatësi Ognen Stavrev, ndërsa përfaqësues të akuzës janë Fatime Fetai dhe Gavril Bubevski.