Mos marrja e datës, Musliu: BE nuk arriti të tejkalojë veten

Sias tij, kësaj rradhe mbeti e qartë se faji ngeli tek BE dhe jo tek dy vendet aspirante. Maqedonia e Veriut dhe Shqipëria arritën mjaft progress  sa për të marrë datë për bisedime, që nuk nënkuptonte aderim të menjëhershëm por vetëm fillim të një procesi.

 

"Kjo nuk është demoralizim vetëm për RMV dhe Shqipërinë por edhe për gjithë rajonin. Është edhe shqetësuese sepse mos harrojmë se RMV dhe Shqipëria ndërruan kushtetutat dhe prap se prap BE për shkak të probleme të brendshme nuk arriti ta tejkalojë vetvetenvdhe të jep datë për negociata", tha analisti politik Albert Musliu.

 

 

Vendimi negativ që u arrit në KE, sipas Musliu do të ketë efekt domino edhe në rajon. Sipas tij, vendet tjera aspirante që patën shembull RMV-në, nuk do të inkurajohen për të bërë ndryshime sepse me këtë vendim, Musliu thotë se BE ka humbur besueshmërinë në rajon.

 

"Gjithsesi do të ketë efekt në politikën e brendshme  dhe rajonale. Mos harrojmë se rajoni  ka akoma cështje të hapura, dialogu i Kosovës me Serbinë, përfundimi i vetingut në Shqipëri dhe përmbushja e obligimeve që RMV I ka marrë me marrëveshejt me Bullgari dhe Greqi. Gjithë këto tema tash mund të vihen në pikëpyetje edhe do të rritet narativi dhe fuqia politike e euroskeptikëve dhe gjithë atyre që do të promovojnë atë se gjitha ndryshimet që duhet të behen për hirë të integrimint në BE nuk ja vlen sepse BE nuk plotëson premtimet e veta", tha Musliu.

 

Zyrtarët e vendeve  anëtare të BE-së që ishin pro hapjes së bisedimeve inkurajojnë RMV-në të vazhdojë më rrugëtimin e saj në BE, ndërkaq shpresojnë se në muajt e parë të vitit 2020, RMV dhe Shqipëria të marrin datën për fillimin e negociatave, kur me BE do të udhëheq Kroacia.