Butel, nis ndërtimi i rrugës drejt Lubotenit

Me rreth 200 mijë euro investim nga ana e komunës së Butelit dhe 11 milion denarë të ndara nga Qeveria, ka filluar ndërtimi i 5.5 km rrugë nga Buteli deri në fshatin Luboten.

Në këtë rrugë kalojnë dy deri në tre mijë njerëz çdo ditë, ndërsa kjo pjesë ofron edhe mundësi për zhvillimin e turizmit rural, theksuan autoritetet.

“Fondet që kemi marrë nga Qeveria janë 11 milion denarë për zgjatjen e rrugës për pesë kilometra, një metër është shtrirja dhe detyrimi i komunës është që shtresa e lartë të vendoset në mënyrë të barabartë në të gjithë rrugën ekzistuese. Komuna e Butelit ka ndarë 12 milion denarë dhe unë mendoj se ajo që ne po bëjmë tani është një fillim për zhvillimin e turizmit në turizmin e fshatit në komunën e Butelit”,- tha kryetari i komunës së Butelit, Velimir Smilevski.

“Ne po kontribuojmë gati më shumë se 11 milion denarë përmes projekteve mbështetëse të zhvillimit rural për këtë rrugë, saktësisht pas 28 viteve nga viti 1991 kur u bë vetëm me një kontribut, me paratë e vetë popullit vendas. Më në fund shteti, si dhe komuna, e kanë dorën këtu dhe kjo u tregon njerëzve tanë se ne investojmë, ne i investojmë paratë tuaja. Ky është tatimi juaj që paguhet si në komunë ashtu edhe në shtet”,- theksoi kryeministri i RMV-së, Zoran Zaev.

Ndërtimi i rrugës Butel - Luboten pritet të përfundojë brenda 120 ditësh. (Sedat Selimi, TVM2)