Ftesa ruse për unionin euraziatik, Ramadani: Sinjal që BE të ruajë strategjinë e zgjerimit

Pasi që RMV nuk morri datë për bisedime, ofertat nga unionet tjera janë më se normale thotë analisti politik Ismet Ramadani, duke kometuar deklaratën e përfaqësuesit të përhershëm  rus në BE Vlladimir  Çizov,  i cili ftoi Maqedoninë e Veriut dhe Shqipërinë t'i bashkohen Unionit  Euraziatik Ekonomik.

 

Qëllimi i  organizatave tjera sipas Ramadanit është rritja e ndikimit  të tyre në Ballkan. Këto ftesa  njëherit sipas tij,  dërgojnë edhe sinjale tek BE që të jetë më pragmatike dhe të ruaj strategjinë  e zgjerimit me rajonin e Ballkanit.

 

“Kjo ftesë është edhe një vërejtje  për BE-në dhe Francën se Ballkani nuk duhet lënë hapsirë ku do të mbushet vakumi se përndryshe ne e dimë se Serbia mban konjeksion dhe është e gatshme të jetë pjesë edhe e Unionit Eurazik, prandaj duhet të kemi kujdes që të mbetemi në këtë qëndrim dhe orientim dhe unë shpresoj se edhe BE me ndikim edhe  të SHBA-ve dhe  NATO-s do të korigjohet për një kohë dhe në qoft se humbin pak  në marrjen e datës ndodhta do të na kompenzohet në vitet kur do të zhvillohen negociatata”, u shpreh analisti politik Ismet Ramadani.

 

Ramadani vlerëson refuzimin e kreut qeveritar për oferta tjera pos BE-së, që dëshmon sipas tij, palëkundshmërinë e strategjisë për integrim në BE dhe NATO. Shpreson se integrimi i plotë në NATO do të ndihmojë në ecurinë e mëtutjeshme drejt BE-së. 

 

“Duke pasur parasysh se 23 shtetet e BE-së  janë edhe anëtare të NATO-s që në fakt me 23 shtete ne së shpejti do të jemi aleat, kështu që kjo mirë që refuzohet në mënyrë të prerë nga kryetari i qeverisisë dhe ushëheqësia politke këtu”, Ramadani. 

 

Integrimi në BE është dëshirë e qytetarëve që arrin mbi 80 përqind të popullatës dhe asnjë politikan sipas Ramadanit, nuk ka të drejtë të propozojë alternative tjera, që do të ishin kundër vullnetit të popullit.