Sulmohen dy gazetarë, Qeveria dënon sulmin, kërkon dënimin e autorëve
Gazetarët, Lupço Cvetanovski dhe Dejan Andonoviq, mbrëmë ishin sulmuar nga një grup i personave të moshës rreth 20...

Gazetarët, Lupço Cvetanovski dhe Dejan Andonoviq, mbrëmë ishin sulmuar nga një grup i personave të moshës rreth 20 vjet në afërsi të një objekti hotelierik në Shkup.
Nga MPB po ndërmarrin masa intensive për zbardhje urgjente dhe të tërësishme të ngjarjes. Qeveria përmes një kumtese ashpër e dënoi sulmin ndaj gazetarëve, duke i cilësuar këto incidente si të papranueshme dhe të palejueshme.
“Qeveria e Republikës së Maqedonisë së Veriut vlerëson se çdo sulm ndaj përfaqësuesve mediatik, fizik ose verbal, duhet ashpër të dënohet dhe sanksionohet, dhe në këtë drejtim u bëjmë thirrje institucioneve që urgjentisht t’i ndërmarrin të gjitha masat e domosdoshme dhe të zbulohen dhe ndëshkohen autorët”,- thuhet në kumtesë.
