Afganistan, dy ushtarë amerikanë humbën jetën

Përplasja e helikopterit është duke u hetuar, njoftuan forcat e SHBA-së, duke shtuar se "raportet paraprake nuk tregojnë se incidenti ishte shkaktuar nga të shtënat e armikut". Deklarata nuk jep detaje të mëtejshme. Talibanët pretenduan se ata e kishin qëlluar dhe rrëzuar helikopterin, duke thënë se "të gjithë ata që ishin në bord u vranë".

 

Një zëdhënës i ministrisë së Mbrojtjes, kundërshtoi pretendimin e talibanëve, duke thënë "nuk kishte asnjë përfshirje të zjarrit të armikut në rrëzimin e helikopterit." "Asnjë anëtar i forcës së sigurisë afgane nuk është lënduar", tha zëdhënësi Fawad Aman.

 

Rrëzimi i helikopterit vjen një ditë pasi dy pengje perëndimore u liruan nga ana e talibanëve, në këmbim të tre të burgosurve talibanë, duke rritur shpresat për bisedime paqeje midis grupit militant dhe qeverisë në Kabul.