“Financat e hapura” zbardhin të dhënat, Janeva përveç rrogës, mori edhe 157.000 euro shtesë
Ish kryeprokurorja speciale, Katica Janeva....

Ish kryeprokurorja speciale, Katica Janeva, aktualisht vuan arrestin shtëpiak. Lajmet mbi ish kryeprokuroren dhe veprimet e drejtësisë kur bëhet fjalë për korrupsion të dyshuar, ndiqen me mjaft interes nga opinioni.
Me po kaq interes janë edhe të dhënat e publikuara në aplikacionin “Financat e hapura” të Ministrisë së Financave, për të gjitha harxhimet buxhetore prej vitit 2010 e këndej. Shifrat flasin se Janeva gjatë mandatit të saj ka marrë edhe 157.000 euro, përveç rrogës së rregullt.
Të ardhurat e Janevës asnjëherë më parë nuk janë mundur të konfirmohen, pas zërave për rroga të majme të prokurorëve në PSP, por gjithnjë Prokuroria një pjesë të të ardhurave i ka klasifikuar si shtesë e fshehtë.
Ish kryeprokurorja ka marrë të holla për besueshmëri, pra të ruajë atë që dëgjon në materialet e përgjuara, është kompensuar edhe për qiratë e banesës dhe për atë që punon jashtë qytetit ku jeton.
Shtesa për besueshmëri është parashikuar në ligjin e PSP-së, por Janeva vetë e ka rregulluar vlerën me vendim të veçantë.
