Specializantët me vetëfinancim fituan, do të marrin rritje pagash si gjithë të tjerët
130 specializantë me vetëfinancim, të cilët protestuan....

130 specializantë me vetëfinancim, të cilët protestuan pasi nuk përfshiheshin në rritjen e pagave si gjithë punonjësit e tjerë në shëndetësi, arritën fitoren e shumëpritur.
Marrëveshjet e tyre të punës do të ndryshohen e kjo mundëson rritjen prej 15% të pagave nga shkurti, njësoj si kolegët e tyre. Ministria e Shëndetësisë ka gati draft versionin me ndryshimet ligjore në mbrojtjen shëndetësore.
Përveç 15%, ata do të marrin edhe rritjet procentuale nga ky vit dhe nga 2018. Teksa një pjesë e specializantëve arritën të marrin atë që kërkuan, specializantët e stomatologjisë ende kërkojnë të drejtat e tyre.
“Nuk kërkojmë asgjë më tepër nga specializantët e tjerë. Duam marrëveshje deri në fund të vitit dhe pagesën e harxhimeve mujore njësoj si për specializantët e stomatologjisë së konkursit të 2016 dhe për të gjithë specializantët e tjerë”,- tha specializanti i stomatologjisë.
Nga shkurti rrogë do të marrin edhe specializantët privatë të regjistruar në konkursin e shtatorit. Në këtë mënyrë edhe ata do të barazohen me statusin e kolegëve të tyre që morën për herë të parë kompensim për punën në 2018. (Ardita Imeri, TVM2)
