Tërmeti në Shqipëri, mbyllen për dy ditë shkollat

Shkollat, kopshtet dhe çerdhet do të qëndrojnë të mbyllura për dy ditë, sipas një urdhri të ri të lëshuar nga Ministria e Arsimit në Shqipëri, pas tërmetit me magnitudë 6,3 që goditi shtetin tonë fqinjë në orët e para të mëngjesit të së martës dhe aktivitetit sizmik të vazhdueshëm me paslëkundje të tjera që janë ndjerë vazhdimisht gjatë të martës.

Duke qenë se e enjtja dhe e premtja janë ditë pushimi për shkak të Festës së Pavarësisë dhe asaj të Çlirimit në Shqipëri, institucionet arsimore parauniversitare do të qëndrojnë të mbyllura gjatë gjithë javës.